គន្លឹះមួយចំនួនគួរអនុវត្តដើម្បីធ្វើឱ្យសុខភាព
ថ្ងៃពុធ ទី២៦ ខែកក្កដា ឆ្នាំ២០១៧ ម៉ោង ០៧:០០ (26-07-2017 07:00)
នេះគឺជាមូលហេតុដ៏សំខាន់ក្នុងការមានប្រព័ន្ធរំលាយអាហារ និងពោះវៀនមានសុខភាពល្អ ។
សុខភាពរបស់ប្រព័ន្ធរំលាយអាហារអាស្រ័យលើរបបអាហាររបស់អ្នក របៀបរស់នៅ និងចំនួនបាក់តេរីល្អដែលមានក្នុងពោះវៀន ។
អ្នកចង់មានប្រព័ន្ធរំលាយអាហារមានសុខភាពល្អ សូមធ្វើតាមគន្លឹះទាំងនេះ៖
គន្លឹះទី ១ ៖
ដើម្បីធ្វើឲ្យប្រព័ន្ធរំលាយអាហារមានសុខភាពល្អ អ្នកចាំបាច់ត្រូវមានការលូតលាស់របស់បាក់តេរីល្អមួយចំនួននៅក្នុងពោះវៀន ។ វាអាចកើតឡើងនៅពេលដែលអ្នកទទួលទានអាហារប្រភេទប្របៃអូទិកឲ្យបានច្រើន ។
គន្លឹះទី ២ ៖
អាហារប្រភេទប្រូបៃអូទិកដូចជាទឹកដោះគោជូរ Curd ជាដើមអាចជួយបង្កើនការផលិតបាក់តេរីល្អក្នុងពោះវៀន ដូច្នេះសូមប្រាកដថាអ្នកទទួលទានពួកវាឲ្យបានទៀងទាត់ ។
គន្លឹះទី ៣ ៖
ការទទួលទានបន្លែសម្បូរជាតិកាកសរសៃដូចជាពោតបារាំង ការ៉ុត...ដែលជាតិកាកសរសៃទាំងនេះអាចបញ្ចេញកាកសំណល់ និងជាតិពុលពីក្រពះរបស់អ្នកបានយ៉ាងងាយស្រួល ។
គន្លឹះទី ៤ ៖
អ្នកគួរទទួលទានផ្លែឈើយ៉ាងហោចណាស់ចំនួន២៥0ក្រាមប្រចាំថ្ងៃ ដោយសារផ្លែឈើសម្បូរទៅដោយជាតិកាកសរសៃ និងវីតាមីន C ដែលត្រូវការជាចាំបាច់សម្រាប់ប្រព័ន្ធរំលាយអាហារដែលមានសុខភាពល្អ ។
គន្លឹះទី ៥ ៖
ចៀសវាងការទទួលទានអាហារដែលគ្មានជីវជាតិជាប្រចាំ ដោយសារអាហារទាំងនេះមានផ្ទុកគ្រឿងផ្សំមិនល្អចំពោះសុខភាពយ៉ាងច្រើនដែលពួកវាអាចប៉ះពាល់ដល់ប្រព័ន្ធរំលាយអាហារអ្នក ។
គន្លឹះទី ៦ ៖
សូមរក្សាជាតិទឹកក្នុងខ្លួនឲ្យបានតាមដែលអាចធ្វើទៅបាន ដោយការទទួលទានទឹក និងសារធាតុរាវឱ្យបានគ្រប់គ្រាន់ ។ ការខ្វះជាតិទឹកអាចប៉ះពាល់ដល់ប្រព័ន្ធរំលាយអាហារផងដែរ៕
Like our Page
>>ទទួលបានព័ត៌មានតាមរយៈ KOHSANTEPHEAP OFFICAIL LINE
